Curioso anuncio que sae hoxe no Boletín Oficial da provincia de Pontevedra:

Curioso decreto este de don Ramón para deixarlle o timón do Concello a Maceiras mentres el está en Argentina. Como podedes ollar, sabemos cando marcha, o 25 de outubro, pero non cando ven, o cal ten dúas lecturas posibles:

• A súa estadía en Argentina vai ser superior a un mes, por iso non pon data de regreso, para non alterar ás masas.
• Non pon data de regreso por se acaso o seu pupilo lle colle gusto ó sillón de alcalde e lle quita o posto de candidato a Miguel de la Calle.
• Ou quere ampliar a súa estadía en Argentina para facer de Cicerone de Miguel de la Calle, cando este viaxe a “latinoamérica” no mes de novembro, e presentalo diante dos seus amigos arxentinos como o seu sucesor.

Parece que os días de viño e rosas do Pereiras, ex-alcalde de barrio de Paradela, e ex-xefe de infantería do alcalde, pasaron a mellor día. Algo fixo ou algo quería do PP que non para de recibir paus por todas partes.

Hai uns días entereabámonos pola prensa tamén que o Pereiras estaba a preparar unha cea ou comida homenaxe de despedida, logo de tantos anos de capitanear a infantería, e o alcalde barrio de Moreira acusábao de que con esta homenaxe o que buscaba era buscar apoios de cara ás eleccións de maio.

Pero as desdichas nunca veñen solas, e segun parece o PP planea retiralo do postiño que tiña no teatro e, polo tanto, quedarase sin o plus económico que isto supón.

Pero que faría ou que quería este homiño que antes era o preferido de don Ramón, que, por certo, todo parece indicar que non irá a homenaxe por atoparse en Argentina de segundas vacións.

Xa están despexadas todas as incógnitas. Os tres partidos con representación na corporación municipal xa deron a coñecer cales son os seus cabezas de carteis para as eleccións municipais do ano 2007.

No seu día xe demos conta do elixido do PP, Miguel de la Calle; o pasado mércores coñecíamos que Raquel López Doce, actual portavoz Municipal, é a elixida polo BNG; e o sábado o PSOE daba a coñecer a súa cabeza de cartel, José A. Dono. A falta de saber se frutifica algunha candidatura independente, -todo está moi calado e moi parado ultimamente-, isto é o que hai, os estradenses en maio de 2007 terán que elixir como mínimo de entre estas tres persoas.

A priori, polo menos para nós, quen parte cunha pequena vantaxe é Raquel, que conta con máis experiencia política cos outros dous, e ademais conta ca vantaxe de estar presente na actual corporación. Pese a todo, os outros dous partidos, non están coxos, e a maquinaria dos seus partidos estarán traballando a tope canto máis se acheguen as eleccións, sobre todo o PP que poñerá a traballar a súa infantería, que ultimamente anda un pouco revolta, por certo individuo que non está ben visto por parte de algúns infantes.

Aquí tendes a vosa disposición unha pequena enquisa. Votade a quen queirades e cantas veces queirades, pero xa sabedes que as enquisas que contan son as do día das eleccións, así que vos mesmos.

Hoxe inauguramos unha nova sección na que pretendemos dar conta do que se fala nos plenos, que ainda se gravan con audio e voz ningún veciño da Estrada ten acceso ao que alí se fala.

• A primeira cuestión foi a desafectación dun camiño na parroquia de Parada, cuestión que se liquidou rapidamente pois todos os grupos votaron a favor.

• A segunda cuestión foi unha ampliación de crédito nas partidas do orzamento do concello para que este puidera beneficiarse dunha subvención da Xunta e executar deste xeito unhas obras no polígono industrial. A cuestión aprobouse por unanimidade, pero o PP tivo que oir ás forzas da oposición que o acusaron de falta de improvisación. O PP tentou escudarse na tardanza do bipartito á hora de conceder a subvención, pero López, que fixo o posible por explicarse, non deu convencido ao PSOE e ao BNG.

• A terceira cuestión que se estudou no pleno foron as bases do premio García Barros e do Avelina Valladares. Neste punto rompeuse a unanimidade, o BNG abstívose nas bases do primeiro premio porque considera que a entrega dos premios debe ser pública e non nunha cea, como se ven facendo ata agora.

• Pero o mellor ven a continuación. O PP presenta unha moción “boomerang”. É pouco habitual que o PP presente mocións, pero ainda é máis raro que quen leve a voz cantante sexa un concelleiro distinto a Arca, que é quen normalmente fala para defender unha moción. Desta volta, como dixemos, falou Arturo Brea, que presentou e defendeu unha moción que instaba á Xunta a facer o centro médico do Foxo. Todo cheo de razón, Arturo Brea remóntase ata 1993 para facer ver que a cuestión do centro médico viña de lonxe, e respondía a un interese veciñal desde había moito tempo, apuntando cada unha das súas palabra para as bancadas do PSOE. Todo prometía ir sobre rodas para o PP, os veciños do Foxo esperaban espectantes a ver que pasaba. Nisto toma a palabra Espiño espetándolle ao PP que se o Foxo quedaba sin centro médico era pola súa incompetencia, pois, segundo dixo Espiño, foi o goberno do PP quen eliminou ese centro médico. Logo falou Raquel López, a portavoz do BNG, que ademais de repetir o dito por Espiño engadiu que o PP, non só como goberno se non tamén no Parlamento, impediu, votando en contra, que os veciños do Foxo teñan hoxe un centro médico en condicións. Finalmente apróbase por unanimidade a moción do PP e tamén a do BNG que insta á xunta a facer o centro médico. Veremos en que queda finalmente.

Pero durante a discusión destas dúas mocións, a do PP e do BNG, puidemos observar unha cousa que nos chamou a atención. Si ben as caras dos concelleiros do PP, permanecían impasibles ante o que estaban oindo desde as bancadas da oposición, había un concelleiro, José López, que se lle vía abrumado e superado, mesmo desesperado, ante unha situación tan esperpéntica: o PP presenta unha moción e revéntalle no peteiro. Serán cuestións como estas, froito da improvisación política do seu partido o que lle está incitando a abandoar a política, tal e como se reflicte en algúns medios.

• Para rematar o pleno, o PSOE presentou unha moción oral e o BNG outra por escrito referente á variante da nacional 640 ao seu paso por Callobre, cuestión que puxo de acordo aos tres grupos, traendo a calma despois da tempestade.

O pleno concitou o interese de moita xente: entre os de AEDRU, os do IBI e os do Foxo, o salón de plenos estaba cheo, aplaudindo en diversas ocasións as intervencións do PSOE e do BNG.

O PP da Estrada acaba de anunciar publicamente que o seu cabeza de lista para as eleccións locais de 2007 é Miguel de la Calle, o presidente da Fundación do Moble da Estrada. Como segundo na lista irá Maceira. Así todos contentos ou casi todos, porque non é o mesmo ir de primeiro que ir de segundo.