Onte 25 de novembro, Día Internacional da Non Violencia contra as Mulleres, o BNG organizou unha concentración para conmemorar esta data tan sinalada. E ata alí nos achegamos. Ía frío e chovía, pero alí estaban todos os candidatos: Raquel López do BNG, Dono do PSOE e Miguel de la Calle do PP.

Non é de estrañar que estivera presente Raquel López, xa que o acto estaba organizado polo BNG. O que si chamou a atención é que Dono e Miguel de la Calle aparezan por un acto organizado pola competencia. Xa sabemos que era un acto aberto a todos os veciños, pero é curioso e un tanto oportunista.

Ó mellor é que buscaban a foto, e abofé que a conseguiron. A ver se o ano que ven, pasado xa o período electoral, se pode ver esta foto outra vez. Xa veremos.

O alcalde da Estrada leva casi un mes en Arxentina, cuestión da que xa demos conta no seu día. Pero parece que Don Ramón Campos posee o don da ubicuidade, e pode estar disfrutando dunhas vacacións en sudamérica e, ó mesmo tempo, pode firmar ampliacións de crédito do Consorcio Contraincendios e Salvamento do Deza e Tabeirós-Terra de Montes con data de 8 de novembro, do que é Presidente, tal e como aparece hoxe publicado no Boletín Oficial da Provincia (última páxina).

Non hai nada destacable no pleno de hoxe, quizais que sigue a ausencia de Espiño por razóns de saúde, Maribel Ruíz (do BNG), por cuestión que descoñecemos e a do Alcalde, que sigue en Arxentina. Por certo, Marifini exerceu de portavoz do PSOE en ausencia de Espiño, cambiarían despois de ver a facilidade de palabra de Gonzalo Figueiras.

No tempo que levamos asistido ó pleno, hai unha cuestión que si nos chocou, para o PSOE as actas sempre están correctas. Decimos esto, porque o BNG sempre atopa algún erro nas mesmas, en cambio, o primeiro partido da oposición nunca ten nada que alegar, ó mellor porque non as leen. ¿Non sabemos?.

Os primeiros puntos da orde do día foron de mero trámite, dar conta de deslindes en Parada e en Frades, cuestións que se solventaron por unanimidade.

A continuación houbo dous expedientes de créditos extraordinarios para pagar facturas do ano anterior, -e xa van catro, segundo denunciou o BNG-, e para comprar un vehículo. Sobre a primeira cuestión, o pago de facturas, a lóxica indícanos, que a estas alturas é un pouco raro pagar facturas do ano 2005, desde logo algo raro está pasando na administración. Desde logo o PP non o entende así e parece ser que o PSOE comparte este sentimento porque votou tamén afirmativamente a estes dous expedientes de créditos extraordinarios. O BNG en contra dos dous expedientes, e criticou a nefasta xestión que o PP está levando na administración do concello, e denunciou que hai vehículos que sirven para que determinados funcionarios ou traballadores do Concello se paseen pola Estrada. Esta afirmación alporizou a Arca que lle pediu que non faga denuncias infundadas sobre os traballadores do Concello que, polo xeral, cumplen ben co seu traballo. A cuestión non foi a máis.

Outras das cuestión que encendeu o debate foi a actualizacións das taxas municipais un 3,7%, o incremento do IPC. Aquí Arca enzarzouse nun tenso debate con Raquel López do BNG, que lle pedía a conxelación das taxas ó entender que os salarios e pensións non se actualizaron nesta porcentaxe, ademais de denunciar que determinados servizos non se prestan coa calidade suficiente, como por exemplo a auga.

Logo viñeron as mocións dos grupos políticos. O PSOE presentou dúas: unha pola conmemoración do 25 de novembro, día da non violencia contra as mulleres e outra pola conmemoración do 75 aniversario da aprobación do voto feminino, que se celebrará o 1 de decembro. O BNG, pola súa parte presentou outra relacionada co 25 de novembro, que consistía na aprobación dunha declaración pública que faría o concello este día tan sinalado. Todas elas aprobaron por unanimidade.

Outra moción que suscitou o apoio de todas as forzas foi a presentada polo BNG, na que se instaba a que o Concello delimitara todos os núcleos rurais donde se pedira algunha licencia de obra.

A seguinte moción presentada polo BNG instaba ó Concello a retirar as bandas rugosas de Fernando Conde e sustituílas por lombos de burra. O PP votou en contra, co cal os veciños desta rúa terán habituarse ós saltos.

En xeral o público hoxe estivo bastante calado e apagado, só aplaudiron cando o BNG instaba ó Concello na última moción que presentou, que se colgaran na páxina web do Concello as actas dos plenos, así como as súas transcripcións sonoras. A moción aprobouse por unanimidade. A ver canto tardamos en ver cumplida esta moción.

A adhesión ó Consorcio da Vicepresidencia da Igualdade e do Benestar foi outra das cuestións que levantou os ánimos entre o BNG e o PP. Desta volta Raquel López enzarzouse con Rodríguez nunha discusión sobre se o Concello debe ou non debe adherirse e como se debe adherir. Desta volta, como aconteceu cos incendios, o PP pon pegas, ve cousas que non lle gusta. Por de pronto isto supón que o concello paga servizos que non lle corresponden, como por exemplo a gardería; por certo, na mesma moción o BNG solicitaba que se suspendera o proceso selectivo da directora da gardería (¿Por que decimos directora e non director?). O PP votou en contra.

No apartado de rogos e preguntas nada que destacar, a excepción dunha denuncia que fixo o BNG sobre un peche que está facendo o alcalde de barrio de Couso ocupando unha masa común, cuestión que foi denunciada nesta páxina.

Seguindo co asunto Pereiras, hoxe atopámonos que na páxina web do Concello da Estrada, este infante de don Ramón, caído en desgracia, ainda sigue figurando como alcalde de barrio de Paradela.

Hoxe miro os medios escritos a ver como recollen o pleno extraordinario de onte, e houbo unha cousa que me chamou poderosamente a atención: ningún deles recolle exactamente as abruptas palabras de Figueiras.

El Correo Gallegosubstitúe palabras: “…A ver se aproban o PP dunha vez“, que, como podedes ver, non ten sentido ningún.

Faro de Vigo, “poña a responsabilidade enriba da mesa”, saque “este plan para adiante” y lo apruebe “canto antes”.

Debe ser o código ético ou o libro de estilo, pero non é o que dixo o Gonzalo Figueiras, Concelleiro do PSOE.

Hoxe houbo un pleno extraordinario que aprobou a normas transitorias remitidas pola Xunta por mor do retraso na subsanación de erros do PXOM. Efectivamente, o pleno foi extraordinario e por outras cousas que nada teñen que ver ca convocatoria deste pleno.

O pleno foi extraordinario pola ausencia inxustificada do Alcalde, que sigue en Argentina e que non se sabe cando ven. Tamén houbo outras ausencias, a de Espiño, esta en principio xustificada por razóns médicas, aínda que é o primeiro pleno que se celebra logo de que Dono fóra proclamado alcaldable polo PSOE, apartando a Espiño da carreira pola alcaldía, logo de todos estes anos na oposición, cuestión esta que levanta certo malestar en algún que outro socialista da Estrada, que ven como apartan a quen liderou para ben e para mal o partido durante estes anos, e agora ten que deixarlle sitio a outros, que xa foron concelleiros no seu día pero que decidiron dedicarse a outras cousas temporalmente ou simplemente a esperar situacións máis propicias.

Este tamén foi un pleno de presencias pouco habituales no salón de plenos. Xa empezada a sesión apareceu pola porta o candidato do PP, Miguel de la Calle, non sabemos se para enterarse de como vai eso de ser concelleiro ou para controlar aos seus e compoñer unha lista para as eleccións, -se lle deixan, claro; cuestión esta que ten un pouco complicada: primeiro polas presións que vai ter para contentar a todos, e segundo porque o núcleo duro do PP está imputado nun proceso xudicial, tal e como se encargou de recordar ós concelleiros do PP, Raquel López.

Tamén, como non podía ser doutro xeito, estaban presentes os de AEDRU, máis caladiños e tranquiliños que de costume, non se sabe se é por que xa non lle ven moita solución aos seus intereses persoais ou porque pensan montar unha candidatura e ver de solucionalos desde o goberno.

E deixamos para o final o mellor. A frase para o olvido. Como non estaba Espiño, concelleiro de verbo fácil, aínda que tamén demagóxico, exerceu de portavoz do PSOE o Figueiras, e soltou unha frase indigna e impropia dun representante político na casa que nos representa a todos. A súa intervención foi curta, pero rematouna ca frase “e a ver se aprobades o PXOM dunha puta vez!!!”, frase que ó mellor temos moitos na cabeza pero que, repetimos, un concelleiro non debe decir en público e menos diante dos veciños alí presentes. Como contraste, Raquel López si estuvo atinada e mismo diríamos que brillante na súa intervención; vese que non sólo vai ás comisións de urbanismo a ocupar unha silla e cobrar as dietas.

Por certo, o cargo de portavoz accidental é outro máis que ten que sumar ós que xa ten: Presidente dos Empresarios, Vicepresidente da Cámara de Comercio de Vilagarcía, Concelleiro, membro da Comisión de Urbanismo,… cuestión esta da acumulación de cargos que tamén levanta certas suspicacias, sobre todo entre o sector empresarial.

Ah!!, olvidabámonos, o PP coa maioría que sustenta ao goberno aprobou as normas transitorias cas abstencións de PSOE e BNG.