Jan

30

Dono como Touriño

Categorías: Municipais 2007, PSOE | 9 comentarios

Dono debeu tomar nota do xeito de traballar de Touriño, o presidente da Xunta, que tamén fixo un goberno galego (sen contar a parte nacionalista) constituído a base de independentes. Claro que a nivel galego as críticas non se oiron moito, agás en certos círculos ou en pequenas notas de prensa, pero cando a crítica é local a cousa cambia.

Nesta ocasión estivemos lentos de reflexos, xa sabíamos que algunha había algunha crítica á confección da lista de Dono para as municipais, pero queríamos ter máis datos e adiantouse La Voz de Galicia.

Todo parece que Dono e un pequeno círculo de persoas elaboraron a lista ó seu gusto, sen contar con destacados militantes e mesmo concelleiros que non son da súa corda. Así, como reflicte La Voz, critican a gran número de persoas independentes, sen contar con concelleiros e militantes que traballaron polo PSOE nos últimos 8 anos (Loureiro, Picaño, Valladares…). Nos seis primeiros postos hai tres militantes e tres independentes, repetindo Espiño, -supervivente nato-, da actual lexislatura.

Según declaracións do propio Dono elaborouse unha lista preparada para recuperar o voto do rural, e a nós parécenos, que con eses vimbios, malamente, sobre todo fronte ó aparato do PP, e a ausencia de todo tipo de traballo municipal nos últimos anos, e sobre todo, debido á posición ambigua no tema do PXOM: en comisión a todo que si e logo votan en contra no Pleno, cando todo o mundo, incluido o PP, esperaba que se abstiveran.

Jan

25

En negro

Categorías: PP | 20 comentarios

Seguramente coñeceredes polos medios de comunicación que está sendo investigada pola UCO da Garda Civil una empresa láctea de Santa Comba por procesar leite que se produce fóra da cuota asignada a caca gandeiro, vamos… o que se coñece como leite negra. Pois segundo parece, mañá seguramente sairá no resto dos medios de comunicación hai un político local implicado nesta rede. Este concelleiro do PP, que responde ás siglas José Luis Barcala, é de Vea, ten varias cisternas de recollida de leite, e presuntamente, proporcionaba esta leite á empresa láctea de Santa Comba. Evidentemente estamos a falar dunha fraude fiscal, e fraude no sistema de coutas da Unión Europea.

Con ese concelleiro, ainda que por outros motivo, xa son cinco os concelleiros do PP que teñen contas pendentes ca xustiza. De la Calle, se te isto en conta, non vai ter problemas para elaborar a lista das municipais ó seu gusto, e se foran un pouco decentes dimitirían, e así tería sitio De la Calle para ser xa teniente alcalde. Agora que, ca parsimonia que se gasta a xustiza, vai ter que negociar duro para sairse ca súa.

Jan

25

Outro lapsus, e van dous

Categorías: Lapsus, PP | 2 comentarios

Non sei se sabedes pero Estrada TV puxo a disposición dos nosos políticos locais un minutos de gloria para que falen do que queiran. Onte falou De la Calle e volveu a cometer un lapsus durante a súa intervención. Nun momento dado dixo: “…presentámonos para servirnos da Estrada…”. Obviamente rectificou en seguida, pero con esta xa son dúas as meteduras de pata, e vamos a abrir unha sección nesta web para estas cousas, porque nos tememos que non vai ser a última.

A intervención de Dono no a vimos, e a de Raquel pódese ver na páxina we do BNG, aínda que é da semana pasada.

Jan

23

Il prezzo

Categorías: Municipais 2007, PSOE | 4 comentarios

Achégase o día das eleccións municipais. Os partidos afinan a puntería para localizar aquelas persoas que conecten co electorado e ser así os máis votados. Nas próximas semanas soarán nomes, falarase de libretas que teñen non sei cantos nomes tachados e/ou con interrogantes,… o importante é dar cas persoas axeitadas. Uns partidos buscarán persoas que non falen, que só levanten a man; outros que traballen e que levanten a man polo ben da Estrada. E todos buscarán persoas que non os traicionen.

Na Estrada xa sabemos cal é custe da traición: 16 anos de goberno do PP, 16 anos con Ramón Campos de Alcalde. O que non sabemos é canto lles custou ós promotores da traición convencer a un concelleiro para levantar a man por eles e non polos outros, polos que compartían lista con el.

Sabemos por un paxariño, que marchou espantado da alameda, que Dono prepara unha lista ambiciosa, con xente nova (Espiño é unha excepción), e que se dará a coñecer nos próximos días, na que hai unha persoa, situada nun posto destacado que xa puxo prezo para dar a súa conformidade. Será unha persoa moi valiosa para a candidatura, pero pensamos que Dono e o PSOE, debería reflexionar, retrotraerse 16 anos atrás e revisar o seu pasado. Hai 16 anos un concelleiro do PSOE pasouse ó “grupo mixto” e propiciou a chegada do Ramón Campos e do PP ó goberno da Estrada. As consecuencias xa as coñecemos todos.

Jan

17

O alcalde e as beirarrúas

Categorías: PP | 14 comentarios

As beirarrúas son do Alcalde, e como as paga “el”, fainas como lle peta, e o que non estea conforme, que non proteste moito, que non as fai e xa está.

Este é o típico razoamento que fai Don Ramón Campos co tema das beirarrúas. Está a pasar en Vilar, pasou en Souto de Vea, pasou na consolación. O Alcalde non atende a razóns: ou se fan as beirarrúas con el di e por donde el di ou non se fan, que para iso as paga (cos cartos de todos, claro); que llo pregunten ó de Ouzande, que aínda están esperando por elas.

E unha vez que decide facelas, non atendendo ás peticións e queixas dos veciños, xa as fará ó ritmo que el queira, claro … sin apurar, como lle está a pasar ás de Souto de Vea, que levan un ano en obras. Claro que se as beirarrúas son para o cacique da parroquia, as cousas van máis lixeiras, e sen tanto alboroto, como aconteceu hai 10 anos (máis ou menos) cas beirarrúas de Vea, que se ían facer no Souto, pero apareceron na casa do alcalde de barrio, que actualmente é concelleiro.

Jan

15

Cea de despedida de Miguel de la Calle

Categorías: Fundación de Exposicións, Lapsus | 10 comentarios

O venres pasado a Asociación de Mobleiros e o Premio Xornalístico Manuel Reimondez Portela organizaron unha cea homenaxe a Miguel de la Calle polos oito anos dedicados á Fundación de Exposicións e Congresos. Segundo nos contan alí estaba presente a flor e nada do noso Concello: políticos, representantes de sectores sociais, etc.Quen estaba
Pola parte política estaban os tres grupos, o Alcalde, Palmou,… Por parte do BNG estaba Raquel López Doce; por parte do PSOE non estaba Espiño, que de momento e o portavoz, pero estaba María Josefa Pernas representando ó seu partido. Supoñemos que a ausencia de Espiño podería xustificarse por non estar aínda ó 100%, pero tamén se podería deberse a non compartir mesa co que foi o seu compañeiro de filas ata hai uns días, é decir, por non atoparse con Figueiras. E abofé que tiña razóns para non ir, pois segundo parece María Josefa e Figueiras non intercambiaron palabra en toda a noite, e iso que estaban na mesma mesa.

As intervencións…
Todo o mundo tiña algo que decir esa noite, falaron todos. Á marxe doustras consideracións que falaremos máis adiante, Miguel de la Calle tivo un detalle moi especial con Figueiras, que dixo que pese ás diferencias que tiveron nos últimos anos, estas sempre foron en positivo e polo ben da Estrada, e non quixo decir máis ata que Figueiras lle adicou tamén unhas palabras. Abrazos de ambos e Miguel de la Calle tomou a palabra de novo e outra vez lle fixo un guiño a Figueiras, pois díxolle que pelexaría para que o futuro presidente da Cámara de Vilagarcía sexa da Estrada (Figueiras é o Vicepresidente 2º). Pero o mellor estaría por vir…

O mellor da noite
Efectivamente, o mellor aínda estaba por vir. Nesto, toma a palabra Miguel de la Calle e fala de que sempre que viaxou polo mundo adiante, dando a coñecer a Feira do Moble, levaba un libro que lle abriu moitas “pernas”. A tensión recorreu toda a sala, máis dun e dunha púxose colorado, e se puidera meterse debaixo da mesa faríao para non soportar o bochorno que se respiraba no ambiente. Ignoramos se foi unha traición do subconsciente ou se se lle trabou a lingua, pero todo o mundo alí presente decatouse perfectamente do que dixo, e aplaudiu nerviosamente para solventar a situación.

Jan

12

Figueiras o máis valorado

Categorías: BNG, PP, PSOE | 3 comentarios

Curiosamente o recentemente dimitido concelleiro do PSOE, Gonzalo Figueiras, é o o máis valorado da actual corporación municipal a unha gran distancia da segunda concelleira máis valorada que é Raquel López Doce, candidata á Alcaldía do BNG.

Logo de 500 votos emitidos na enquisa que colgamos na nosa páxina poñemos a continuación a valoración de todos os políticos da Estrada, excepto o Alcalde, Ramón Campos, que non o puxemos na lista a propósito, precisamente pola súa condición de máximo mandatario municipal.

Chama a atención a escasa valoración que se lle dá nesta enquisa ós políticos locais do PP, o mellor situado é López, con un 4% dos votos fica relegado ó posto 8 da lista dos mellores. Reboredo alcanza o 2%, pero menos valoración alcanza Maceira (1,2%), que era o candidato a Alcalde que lle gustaba a Ramón Campos.

  1. Gonzalo Figueiras Rey - 21,20% - PSOE
  2. Raquel López Doce - 14,60% - BNG
  3. Alfonso M. Sanmartin Carbón - 13,80% - PSOE
  4. Manuel Otero Espiño - 12,60% - PSOE
  5. Xoán Carlos Castro Blanco - 5,80% - BNG
  6. Manuel Loureiro Loureiro - 5,00% - PSOE
  7. Nóa López Calvelo - 4,40% - BNG
  8. José C. López Campos - 4,00% - PP
  9. Mª Josefa Pernas Transancos - 4,00% - PSOE
  10. Manuel Rodríguez González - 3,80% - PP
  11. Isabel Ruíz Ferro - 3,20% - BNG
  12. José Vicente Vicente - 2,40% - PP
  13. José Manuel Reboredo Baños - 2,00% - PP
  14. José Antonio Maceira Besteiro - 1,20% - PP
  15. Ana Mª Constela Brea - 0,60% - PP
  16. José Luis Barcala Rodríguez - 0,60% - PP
  17. Manuel Arca Castro - 0,40% - PP
  18. Arturo Benito Brea Lea - 0,20% - PP
  19. Manuel Somoza Carbón - 0,20% - PP

Temos que decir que os nomes dos concelleiros sacámolos da páxina web do Concello, e por razóns que descoñecemos nesa lista non está Alfonso Otero Durán, que substituíu a Uzal, que dimitiu a principios da lexislatura, e no momento de inserir a enquisa non nos demos conta desa ausencia, fiándonos do que poñía a páxina oficial do Concello.

Jan

10

Figueiras dimite

Categorías: Audio, PSOE | 7 comentarios

En Radio Estrada acaban de dar a noticia da dimisión de Figueiras como concelleiro e das súas responsabilidades dentro da executiva local do PSOE. Ainda que cita que son por razóns estritamente persoais, escusa que sempre se dá para esconder outras razóns de tipo persoal, pero politicamente incorrectas, como era a súa pretensión de repetir como concelleiro nas vindeiras eleccións municipais.
Dono cedeu ante Espiño pero non ante Figueiras, que pensou que con un da vella garda sería suficiente, e que con dous a súa idea de renovar o grupo municipal quedaría nunha mera declaración de intencións.

A incógnita agora é se Figueira se irá para a casa ou buscará acomodo noutras filas políticas; decímolo porque se por algo se caracterizou esta persoa é pola súa intensa actividade pública: concelleiro, presidente da ACE, vicepresidente 2º da Cámara de Comercio de Vilagarcía, e empresario.

Jan

8

Pleno do 8 de xaneiro

Categorías: Pleno | 1 comentario

Inxenuos. Pero que inxenuos somos…. acudimos ó pleno de hoxe pensando que se tratarían unha morea de temas transcendentais para futuro inmediato da Estrada e resulta que na orde do día só había unhas catro desafectacións que se solventaron todas por unanimidade. Para iso non facía falta mover a tanta xente ó pleno, coa tecnoloxía actual e ca Estradadixital podíase facer un pleno en rede e aforrabamos moitos cartos.

En serio que non houbo máis cousas. Bueno, si, houbo os tradicionais rogos e as preguntas da oposición.

O PSOE fixo tres: rogou que o proxecto da Cidade do Moble estea a disposición dos veciños no Concello, deron conta duns adoquíns levantados e duns desperfectos no colexio de Figueroa (do Pérez Viondi non dixeron nada). Fin. Iso si, nesta ocasión xa podemos anunciar a volta de Espiño, reenganchou, -con poucos bríos, iso si-, para o que queda de lexislatura e acaba de asegurarse a continuidade para a próxima, como un bo sarxento chusquero.

Son as 9 e 20 e se o BNG non tivera a oportunidade de preguntar e rogar, o pleno remataría aí, pero sus señorías tiveron que agardar un pouco máis.

O BNG fixo unha batería de preguntas bastante importante sobre as cuestións máis variadas: a Escola Municipal de Ximnasia (non sabíamos que había isto no noso concello), outra vez as beirarrúas do Souto de Vea que xa parece a obra do Escorial; os gastos do Sr. Reboredo en Cuba, 850 euros, a conta do Concello para acompañar a Coral; o PXOM; os orzamentos de 2007…. etc.

Pero foi nesta última pregunta do BNG cando saltou a sorpresa: o PP non pensa aprobar o PXOM neste ano, porque na cifra aproximada que deu Arca non incluíu a parte correspondente ó PXOM, que é practicamente o doble, é dicir, estaríamos falando dun orzamento de 20 millóns de euros, igual ó que había para o 2006 de aprobarse finalmente o PXOM. Pois é un alivio pensar que que o Alcalde deixa as pestanas polo Concello.

Jan

6

Os primeiros da lista

Categorías: BNG, Municipais 2007, PP, PSOE | 2 comentarios

Empeza o baile de nomes que conformarán as listas dos tres partidos, que polo momento, teñen pensado presentarse á eleccións municipais de maio.

Pola parte do PSOE, Dono cede ás presións das persoas que estiveron apoiando ao actual grupo municipal, e situarán a Espiño como número dous, todo sexa para ter unha precamapaña tranquila. Parece que as pataletas de Espiño deron os seus froitos. Ó mesmo tempo sabemos que Figueiras a priori tampouco entra nas quinielas de Dono, pero que pelexará para quedar ben situado na lista.

No PP parece que o actual alcalde quere renovar toda a lista, evidentemente di isto porque quere liquidar ós que non son da súa corda, Arca e Reboredo sobre todo. Do tira e afrouxa para nomear o cabeza de cartel, quedou claro que Maceiras será o número dous do PP.

Pola parte do BNG parece que con toda seguridade repetirá o actual grupo municipal (Raquel López, Maribel Ruiz Ferro, Xan Carlos Castro Blanco e Noa López Calvelo), pero claro, haberá que esperar a que se faga público, non vaia ser que haxa algunha sorpresa.

Páxina seguinte →