O 30 de xaneiro A Estrada Dixital dou a coñecer ó mundo enteiro a posta en marcha da rede wifi en todo o Concello. Despois de casi un mes, decidímonos a facer unha solicitude de alta e ver que pasa.

Sinceramente pagar 10 euros mensuais, que é o coste que ten a wifi na Estrada, é un prezo moi asequible, sobre todo tendo en conta os prezos que se manexan para acceder a internet no resto de proveedores de acceso, pero tamén é un pouco inxusto que algúns, -non sabemos si son moitos ou poucos-, teñan que pagar un “extra” para acceder a internet en igualdade de condicións.

Segundo informa La Voz de Galicia o pleno da corporación aprobou en 2001 un proxecto de saneamento cuxas obras afectaron a unha propiedade privada, produto do cal o seu lexítimo dono denunciou ó Concello, e agora o xulgado quere saber quen votou a favor dese proxecto. Tal e como informa este xornal o PP e o PSOE votaron a favor deste proxecto, votando en contra o BNG.

Tal e como apunta o xornal, isto implica que dous concelleiros máis da corporación aparecerán implicados en imputacións xudiciais, é dicir, que Maceira e Espiño presumiblemente tamén terán que ir ó xulgado. Dous concelleiros máis que se suman ó Alcalde, Reboredo, Arca e Somoza, por mor da denuncia que presentou o BNG en 1994 contra boa parte da corporación por, presuntamente, conceder licencias ilegais.

Se isto vaia adiante, implica que no PP, Maceira tampouco debería ir, xa que por estar imputado en causa penal, caeu da lista Reboredo e seguramente Arca. Daquela, haber como fai, como xustifica de la Calle ante os seus para colocar a Maceira na lista e non ós outros. Na parte socialista, en principio vese que non hai problema.

O Río Ulla baixa revolto, e non polas choivas dos últimos días; bueno, por iso tamén, pero non nos referimos ao río que discurre polo noso Concello e que nos proporciona algúns, -moi poucos-, dos salmóns que se consumen na Festa do Salmón, senón que nos referimos á Sociedade de Caza e Pesca Río Ulla. Hasta donde nos sabemos ó Presidente do Río Ulla, José Antonio García, recente fichaxe do PP para as lista das municipais, acaba de sairlle un grupo opositor, que busca a destitución de toda a xunta directiva.

Estes son os feitos que investigamos a raíz dun comentario que alguén deixou nesta páxina. Agora que, na nosa opinión todo é unha casualidade, posto que segundo parece a xunta directiva actual está composta por persoas de toda clase e condición, e ideoloxías diversas, o mesmo ca o grupo opositor, polo que queda descartada que se trate dunha vendetta de tipo política debido a que o presidente vaia na lista do PP.

O PP busca concelleiros Kleenex, de usar e tirar. Razón: na sede local do PP da Estrada.

Así debe sentirse Reboredo e proximamente a Arca tamén lle tocará o turno. No caso de Reboredo é se cabe máis sangrante. Votou a favor de cantas licencias urbanísticas quixo Don Ramón, mesmo as ilegais; arreou coa pataca quente do PXOM, plegándose ás esixencias dos intereses de Don Ramón, … pero Reboredo cumpriu pese a que os enfrontamentos entre ambos foron públicas e notorias desde o principio da lexislatura e agora pásalle a factura, ca escusa de que hai que limpar a casa. E agora non contan con el. Don Ramón prescinde dos seus servizos, xa non é útil; co PXOM en stand by, e sen aprobación á vista, xa pode queimar a outro concelleiro.

Ignoramos se Raquel López, a candidata do BNG, anda con libretiña ou non, pero puidemos saber que os do BNG ficharon a Pepe Barreiro, que ten unha asesoría na Estrada, para ir en postos de saída, supoñemos que a partires do cinco, xa que repite o grupo municipal tal e como está conformado actualmente. Segun puidemos saber Barreiro conta coa aprobación de boa parte da militancia do BNG, pese a non estar afiliado a este partido, debido entre outras cousas a boa consideración que ten esta persoa entre os estradenses.

Non temos que insistir, -outra vez-, sobre o pouco científicas que son as nosas enquisas, como todas, supoñemos, que todas pretende marcar tendencias, moitas veces artificialmente.

Ben. Despois de bastantes semanas en liña, e 1.030 votos emitidos os resultado da nosa enquisa para consultar a opinión dos internautas para saber quen vai ser o futuro alcalde da Estrada o resultado é o seguinte:

Así as cousas, e a espera de que aparezan en escena novos contrincantes políticos esto é o reparto dos votos emitidos na nosa web. Como se pode observar, a incógnita está servida, todo pode pasar, mesmo que o PP perda a maioría absoluta que detenta desde hai 16 anos. Agora toca esperar, non falta moito xa.

De tan ordinario que foi o pleno só durou apenas media hora. Home,… xa que celebran dous plenos en menos dunha semana, podía repartir os asuntos entre os dous, así non quedaría un pleno tan descafeinado como este. En fin…

Desde logo, de tan light como foi, é ridículo que enumeremos os puntos da orde do día, xa que eran casi todos de mero trámite. Só houbo un punto, que de non ser que o grupo de goberno o traía mal cociñado, sería de mero trámite. O asunto foi o recorrente asunto de todos os plenos: o regulamento da gardaría. O tema é que quen tiña que facer os papeis non os fixo ben, ou os perdeu; non se sabe, pero o tema é que o no pleno anterior acordaron por unanimidade modificar as datas do prazo de solicitude de admisión, porque estaban mal, e directora da gardaría volve a metelas mal na documentación que viña a pleno, co cal tivo que ir todo de volta.

Aquí o BNG volveu a tildar de incompetentes ós responsábeis do asunto, neste caso a Rodríguez; bueno, .. ou son incompetentes ou o fan a drede, aspostillou Raquel. Rodríguez escusouse decindo que todo fora un erro, que se correxía e listo. O PP e o PSOE votaron a favor do regulamento, cas modificacións precisas e o BNG abstívose.

Logo viñeron os rogos e as preguntas: espellos rotos, pistas en mal estado, bandas rugosas que hai que cambiar de sitio, etc. De todas as preguntas que se formularon, houbo unha especialmente interesante que formulou o BNG referida a contratación dun avogado para asesorar en temas urbanísticos. O BNG criticou que se gastaran estes cartos cando o concello conta con técnicos suficientemente capacitados para asesorar en cuestións urbanísticas e os seus “consellos” son vinculantes. Se estades a agardar pola resposta do alcalde ides listos, pois contestará por escrito. De todos os xeitoa, houbo unha cuestión que nos chamou a atención: Reboredo quería contestar, pero o alcalde non lle deixou.

E isto é todo o que deu de si o pleno ordinario.

Non nos paramos moito a analizar as listas, nin as pasadas (ou actuais) nin as que virán, pero, así casi sin pensar, xúrdennos varias persoas que cambiaron de candidatura sin o máis mínimo rubor; vamos que nos referimos ós virachaquetas de toda a vida, que se moven por criterios exclusivamente persoais.

O PP é o refuxio preferido dos virachaquetas. Dos actuais concelleiros, un deles, José Vicente, foi nas listas do BNG hai xa algunhas lexislaturas. O actual alcalde, que entrou como independente en 1991, acabou defendendo as cores da camisola da gaivota. Aínda que no PP tamén houbo movementos á inversa, é dicir, que se foron do PP para outros partidos, concretamente estámonos a referir a Figueiras, por exemplo, que do PP pasouse ao PSOE.

No caso do PSOE a parte do de Figueiras e Selesio, que se pasou ó grupo mixto, non hai nada novo. Aínda que hai un ruxe-ruxe pola Estrada que di que unha persoa das elixida para ir en postos de saída pertenceu antes a Nova Xeracións, o partido dos mozos do PP, ata non hai moitos meses. Debe ser que veu a luz así de repente.