Mai

7

A Cidade do Moble máis cerca

Categorías: BNG, Cidade do Moble, Industria | Fai un comentario

Un dos proxectos máis importantes que ten o goberno galego para A Estrada, a Cidade do Moble, atópase nos últimos trámites administrativos antes da súa aprobación definitiva. Hoxe sae nos medios locais que a Consellería de Vivenda e Solo, que dirixe a nacionalista Teresa Táboas, e que nos últimos días tivo un protagonismo especial polas Normas de Hábitat Galego, non moi ben recibidas por unha parte dos seus socios de gobernos, remitiu ao Concello a Modificación Puntual do Plan Sectorial de Ordenación de Áreas Empresariais na Comunidade Autónoma de Galicia para a inclusión da Cidade do Moble da Estrada nas súas actuacións así como o Informe de Sostenibilidade Ambiental, o Proxecto Sectorial da Cidade do Moble da Estrada e o Estudo de Impacto Ambiental do Proxecto Sectorial da Cidade do Moble da Estrada. Todos estes documentos estarán expostos durante 2 meses durante os cales se poderán presentar alegacións, tendo un mes a administración para contestalos.

Recordar que a Cidade do Moble estará situada na parroquia de Lagartóns, onde hai asentadas preto de 20 empresas, relacionadas na súa maior parte co sector do moble, e todas elas fora de ordenación. Recordar tamén que contra este proxecto hai unha certa contestación social, aglutinados en torno á Asociación Val do Liñares, opostos á ubicación da Cidade do Moble neste lugar.

Mai

6

Pleno do 5 de maio

Categorías: BNG, Cidadáns por Galicia, Orzamentos, PP, PSOE | 15 comentarios

Orzamento do Concello
Onte aprobouse, nunha sesión excesivamente longa, o orzamento do Concello. Non houbo sorpresas e quedou aprobado por maioría absoluta, votando en contra o PP e CIDEGÁ.

Os orzamentos do Concello ascenden a 11.600.000 euros, cun incremento do 8,10% a respecto do orzamento do ano anterior, dedicándose o 6,76% a gastos de persoal, 17,37% a gastos correntes, entre o que se atopa a Escola Obradoiro e gastos en servizos sociais, tamén se subliñou que no apartado de investimentos haxa 997.000 euros de fondos propios fronte aos 93.000 do ano 2007. Algo que tamén destacou a Concelleira de Facenda, Isabel Ruíz, foi que non se incrementaba a presión fiscal sobre os cidadáns.

A oposición, tanto PP como CIDEGÁ, tiraron de hemeroteca para criticar ao goberno cos mesmos argumentos que estes utilizaron para criticar os orzamentos de 2007: incremento do casto corrente, non hai aforro, aumento de plantilla, … subliñando as incoherencias que segundo eles incorrían tanto PSOE como BNG.

Así, logo dun intenso e longo debate, onde López, portavoz do PP, se estendeu máis alá do desexable, aprobouse o orzamento que rexerá o destinos dos cartos públicos neste ano 2008.

Cadro de persoal
Aínda que durante o pleno saíu a colación o tema do incremento da plantilla do concello, creándose a praza de arquitecto e outra de cargo de confianza, tivo neste punto o seu tratamento monográfico. Neste caso Espiño, portavoz do PSOE, xustificaba a praza de arquitecto no incremento de traballo no departamento de urbanismo e na capacidade de recadación que este tivo durante os últimos meses; a respecto da praza de confianza (secretaria do Alcalde), Espiño destacou que das dúas que había unha delas está destinada na biblioteca para cubrir a ampliación de horarios da biblioteca e outras actividades de tipo cultural, facéndose necesaria a cubrir este posto con outra persoa.

PP e CIDEGÁ pola súa parte criticaron que antes de crear a praza había que facer unha relación de postos de traballo do Concello para ver onde quedaba frouxa a plantilla. A respecto da praza de arquitecto o PP subliñou que o actual equipo técnico eran sobradamente capaces de sacar o traballo adiante, criticando que estean pechados a “a cal y canto”. CIDEGÁ pola súa parte tamén se mostrou sorprendido polo da ampliación de horario da biblioteca como xustificación da praza de secretaria, emprazando a Espiño a demostrar cal é ese horario ampliado.

Mai

5

20 millóns en tres anos e medio

Categorías: BNG, Concello, Medio Rural | 2 comentarios

O sábado pasado saía nos medios a rolda de prensa que deron conxutamente Gonzalo Constenla, Delegado da Consellería de Medio Rural, e Raquel López Doce, 1ª Tenente de Alcalde, para dar a coñecer os investimentos da Consellería de Medio Rural na Estrada nestes dous últimos anos (2007-2008) ascendía a máis de 6.000.000 euros, cuxa cifra se elevará a máis 20 millóns contando dende o agosto de 2005 a finais de 2008.

Todos estes cartos repártense en distintos proxectos, como a Cooperativa Monte Cabalar, concentracións parcelarias como a de Condeseda, Arca e Monte Val de Vea II, distintas obras de acondicionamento de camiños (Requián, Frades, San Xiao de Vea, Cora, Santo André de Vea, Ancorados, Guimarei, Somoza, …) e doutras infraestruturas como a ponte de Xerlís en Guimarei, así como a traidas de auga e acodicionamento de presas de rego.

Sen dúbida 20 millóns de euros é unha cifra sen precedentes na Estrada, que traducido a pesetas son máis de 3.300 millóns, e que axudarán a paliar a sequía dos últimos anos.

Abr

29

Os orzamentos casi listos

Categorías: BNG, Cidadáns por Galicia, Orzamentos, PP, PSOE | 3 comentarios

Os orzamentos da Estrada, os primeiros do bipartito están casi listos e aprobaranse no próximo pleno ordinario que será o luns 5 e non o venres 2 de maio.

O grupo de goberno evidentemente defende os orzamentos. O PP di que son un desastre e polo tanto non van facer ningunha emenda. Cidegá, máis construtivos, todo hai que dicilo, vincula o seu apoio a estes orzamentos á inclusión nos memos de dous proxectos: a Cidade Social e a remodelación da praza de abastos. Ambos proxectos discutibles, pero non se pode negar que polo menos fan aportacións, e non como López, que só presume dos seus coñecementos de economía, pero ideas para mellorar os orzamentos, cero.

Abr

22

Os orzamentos: entre lusco e fusco

Categorías: BNG, Cidadáns por Galicia, Concello, Orzamentos, PP, PSOE | 1 comentario

Como ocorre en todos os foros o proxecto de orzamentos sempre se ve diferente dependendo lado de onde un estea. É labor do goberno de elaborar uns orzamentos en función das necesidades reais, moitas desas necesidades son herdadas, e é labor da oposición remexer nos números e dicir que eles o farían mellor.

O orzamento deste ano é de 11.600.400 euros. A partida de persoal é de 3.744.000 euros e a de bens e servizos é de 4.735.000 euros, entre os que se atopan o obradoiro de emprego, apartados dependentes de servizos sociais, etc. Por outra banda, haberá 1.331.000 euros no capítulo de inversión, dos que quedan fóra 620.000 euros dos plans plurianuais da Deputación de Pontevedra. Finalmente o aforro neto será de casi un millón de euros, 997.000 euros.

Estes son máis ou menos os datos. A oposición debúllaos e califícaos de decepcionantes e dos que sacan a conclusión de que o PXOM non se aprobará este ano. López do PP tirou de informe de intervención e criticou a falta de xustificación de ingresos, a praza do arquitecto, onde detectou certa fricción entre os grupos de goberno, e a concesión de pluses a determinados funcionarios.

Abr

14

Palmou ve unha conspiración contra a Feira do Moble

Categorías: BNG, Feira do Moble, Fundación de Exposicións, PP | 7 comentarios

Jesús PalmouEsta fin de semana estivo quentiña en titulares. Palmou, aproveitou a presentación no Parlamento dunha serie de iniciativas relacionadas coa Fundación de Exposicións e Congresos, e acousou á Consellería de “interese, teño que dicilo así claramente, en que a feira do moble fracase en A Estrada e se celebre en Lugo”. Acusou ao Conselleiro de falta de interese pola Feira porque non ven inaugurala, contrapoñendo este suposto “interese” coas inauguracións presididas por Fraga nas sucesivas edicións da Feira. Tamén recordou a redución da aportación da Consellaría a 60.000 euros ao ano.

O BNG insta á Deputación a aportar cartos á Fundación
As palabras de Palmou tiveron resposta, neste caso por parte do BNG, que se mantivo á marxe durante todo este tempo, acusando ao PP de manter unha actitude “hipócrita e demagóxica”. O BNG dixo “que se cando estamos a falar de apoio falamos de cartos, dicir que a Deputación de Pontevedra, unha das únicas institucións supramunicipais que quedan en mans populares, non aporta nin un só euro á fundación”, “Fronte iso, a Consellería de Innovación e Industria, co mesmo número de representantes, aporta 60.000 euros”, e pediulle formalmente “que fagan as xestións oportunas para que a Deputación de Pontevedra, cando menos, aporte á Fundación de Exposisións outros 60.000 euros, como fai a consellería”, subliñando que o apoio á Feira e ao sector “non se fai só inaugurando exposicións, senón con cartos e o PP nisto non pode dar leccións a ninguén”.

A maioría do Padroado tena o PP e un chisco de esperanza
O BNG tamén destacou que é o PP o que conta coa maioría no Padroado, polo que trasladou toda responsabilidade do que acontece a este partido. Por un lado o PP “impuxo” cos seus votos un “determinado xerente”, polo tanto “a responsabilidade do resultado desta xestión correspóndelle a quen o elexiu”, destacando o déficit presupostario de máis de 100.000 euros en 2007. Por outra parte, o BNG subliñou que “coa dimisión do xerente imposto polo PP ábrese outra oportunidade para profesionalizar a xerencia da Fundación de Exposicións, tal e como pretendía a consellería” e “deles (do PP) depende seguir como até agora ou darlle un novo rumbo á fundación e ao sector“.

Mar

10

Resultados das eleccións xerais 2008 na Estrada

Categorías: BNG, PP, PSOE, Xerais 2008 | 26 comentarios

Co 100% dos votos escrutados estes son os resultados:

2008

2004
PP 6.435 46,33% 52,96% 7.521
PSdeG-PSOE 5.198 37,42% 29,83% 4.236
BNG 1.866 13,43% 14,16% 2.011

O PP baixa 6,63 puntos, o BNG pódese dicir que mantén o tipo, baixa 0,73 e o PSOE sobe 7,59. O cal, é á vista dos resultados o PSOE cómelle un bo puñado de votos ao PP.

Fev

26

O debate

Categorías: BNG, Cidadáns por Galicia, PP, PSOE | 14 comentarios

Onte adiantouse o debate na Estrada. Os catro líderes políticos dos catro grupos políticos foron ao Losada Diéguez a falar de política, e abofé que estaría máis interesante que o soporífero debate de onte pola noite. A iniciativa partiu dos rapaces, a meirade parte sen idade para votar, o cal demostra que a asistencia de Dono, López, Raquel e Reboredo non tiña nada a ver con fins electoralistas e si con achegar a política aos máis novos, algo que a estas alturas da vida simplemente lles resbala, pero sin embargo asistiron, aínda que só se atreveron a facer unha pregunta: “¿A aparición de Cidadáns foi debida ó fracaso do PP?“.

Fev

21

Empeza a conta atrás para o 9-m

Categorías: BNG, PP, PSOE, Xerais 2008 | 6 comentarios

Empeza unha nova carreira electoral, neste caso decidirán a composición do Congreso e o Senado, que serán os que elixan o Presidente do Goberno. Son estas unha eleccións marcadas por unha forte polarización entre os dous grandes partidos (PP-PSOE), aínda que haberá outros partidos como o BNG que tentarán ser decisivos á hora de elixir o Presidente e mesmo condicionar os orzamentos, que é o que realmente nos importa a todos. Son estas eleccións marcadas tamén por un forte componente mediático; proba diso é, por exemplo, a escasa parafernalia electoral que se ve a estas alturas, comparadas coas eleccións municipais, sobre todo no noso pobo, que, a parte du para de valados e propaganda nas cabinas teléfonicas non hai nada máis.

Fev

9

O BNG non presentará o recurso de casación perante o Tribunal Supremo

Categorías: BNG, Urbanismo | 5 comentarios

Logo duns días de incertidume por saber o que pensaba o BNG sobre a sentenza da Audiencia de Pontevedra que absolvía a Ramón Campos e compañía dun presunto delito de prevaricación, o Bloque decide finalmente non presentar ese recurso, xa que considera que “los vecinos “xa ditaron sentenza nas pasadas eleccións municipais” y ésta es la “sentenza que lle vale ó BNG“. Asegura ademáis que “non ter interese en perseguir xudicialmente a ninguén” sino en “evitar” un “maior prexuízo e iso conseguiuse xa que todas as persoas encausadas, agás unha, están hoxe en día fóra da política” .

Por outra parte, o BNG subliña que”o máis lamentable” de la sentencia de la Audiencia “non é a absolución dos concelleiros do PP senón que ven a fixar o `barra libre´ a nivel urbanístico e administrativo non só na Estrada senón en xeral porque con contar cun informe externo que dea por bo o que os funcionarios municipais dan por ilegal e, con alegar ue non se está obrando con mala fe nin ter conciencia da `ilegalidade ou da arbitrariedade”.

O BNG tamén considera “incomprensible” que la sentencia se base en la presunta ignorancia o mala fe de los acusados, al existir informes de técnicos municipales, que advertían de irregularidades, los avisos del BNG en los plenos y las sentencias del Tribunal Superior de Xustiza de Galicia y del Supremo que ratificaron la ilegalidad de los tres casos (el edificio de Pérez Viondi, la urbanización de chalés y las alturas de la prolongación de Justo Martínez)

Con isto ponse o punto e final a unha historia xudicial na Estrada que ten 13 anos e que levou nada máis nin nada menos que a un Alcalde e concelleiros do PP que tiveron que sentarse no banco dos acusados, un feito sen precedentes no noso concello.

(Podedes decargar a sentenza dende a páxina web do BNG)

Páxina seguinte →